Tā mātau mahi 2018-2024

He whānui te mahi a te Kaitohutohu Mātanga Pūtaiao Matua ki te Pirimia (KMPMKTP). Ko te arotahi matua ko te tohutohu i te Pirimia mō te āhua o te whāngai kōrero a te pūtaiao ki ngā whakatau tikanga pai i Aotearoa.

Ko tā te KMPMKTP he:

• tuku tohutohu rautaki puta noa i ngā rāngai, ā, kāore i te whai ki te whakaawe i ngā take whakahaere, pūtea rānei i roto i te pūnaha pūtaiao;
• takawaenga e wātea ana ki te katoa i waenga i te hapori pūtaiao me te kāwanatanga;
• tuku tohutohu mō ngā take tauwhāiti, ki te Pirimia, ētahi atu Minita rānei;
• whai wāhanga ki te whakapiki i te mōhio ki te pūtaiao i Aotearoa;
• āwhina kia wātea ake te pūtaiao ki te iwi whānui; me te
• tuitui taura here i tāwāhi me ngā kaitohutohu pūtaiao me ngā pūkenga whakaaro o te ao.

He motuhake te KMPMKTP, ā, ehara i te kaimahi nā te Kāwanatanga. Nō reira e āhei ana ia ki te whakaputa i ōna whakaaro mō ngā take hira.

E pūmau ana te KMPMKTP ki te āta whakahaere i ngā take whai taha-rua, ka makere mai i ngā kopounga poari me ngā tūranga kaiārahi katoa i Aotearoa, ā, kāore e tono mō ngā pūtea rangahau i Aotearoa i te wā e mahi ana rātau.

Tohutohu

He rōpū whāiti tō te KMPMKTP e tuku whakaaturanga ā-pūtaiao ki te Pirimia hei whāngai kōrero ki te kaupapa a te kāwanatanga. Ka āwhina te KMPMKTP i ngā Minita o Te Rūnanga Kāwanatanga me ngā tono mō ngā tohutohu pūtaiao

Ngā tohutohu ōkawa

Ka taea ēnei te tuku mā ngā āhuatanga rerekē e toru:

1. Ina urupare ana ki tētahi tono kōkau, matatapu i ētahi wā – ā-tinana, ki te Pirimia tonu, ki ngā Minita rānei.
2. Ina urupare ana ki tētahi tono mai i te Pirimia, ngā Minita rānei – he reta ōkawa e whai ana i tētahi tirohanga poto o ngā tuhituhinga poto mō tētahi take e kaingākautia ana. He tikanga tere te reta hei tuku tohutohu me te tirotiro i tētahi take hei rangahau whānui pea a tōna wā.
3. He pūrongo matawhānui. Ko te tikanga ka tere wātea tūmatanui mai tēnei, ā, tērā pea:
   • • Ka kōkiritia e te KMPMKTP me te whakaae a te Pirimia
     • Ka kōkiritia e te Pirimia i roto i te mahere mahi matua
     • Ka whakahautia hei tētahi kaupapa motuhake e tētahi Minita

Ngā Tohutohu Kōkau

I tua atu i tēnei, kei reira ngā ‘take nui’ ka ara ake nā te tere o te rerekē haere o te wāhanga rangahau, tētahi take tūmatanui rānei. Ka mātirotiro haere tonu te tari i ēnei take, ā, ka whakaputa i ngā whakamāramatanga mōhiohio mā te iwi whānui. I te nuinga o te wā ka tukuna atu ēnei ki te paetukutuku i muri i te tukutuku ki te Pirimia me ngā Minita hāngai, i runga i te tikanga kia kaua e hunahuna kōrero.

Tirohia tā mātau whārangi ‘ngā tino take’

Tirohia ā mātau pepa mōhiohio mā te iwi whānui

Last edited: 30 June 2024